I Biåhen Kiko’ gi i Engkantåo na Gigipu na Såkman

Mafañågu si Frank Thomas (Kiko’) Freitas Guzman gi i diha 9 gi Måtso, Dos Mit Dies, lahen Mark Devin Palomo Guzman Sigundu grådu gui’ på’go gi i Mountlake Terrace Elementåriu gi iya Mountlake Terrace, Washington. Ha gof guaiya si Kiko’ manaitai ya taifinakpo’i hinasson guinifi-ña siha. Yanggen dumångkolo gui’, malago’ si Kiko’ para u sai’ antes pat ehinieru. Ya-ña humugåndo huegu ya esta ha gånna i hilet asút gi i Tae Kwon Do, quarterback gui’gi i iyo-ña tim futbol yan lumálamåolek na snowboarder. Gof banidosu si Kiko’ nu i irensiå-ña CHamoru ya ha guaiya i tanó-ña.

Si Tiha Lo, matungo’ña komu as Dr. Laura M. Torres Souder, CHamoru na títige’ yan fåyen Historia. Ha petsisigi i fina’nå’guen dinanche yan propion kottura siha yan tinaitai gi i dos na fino’. Komu saina, ha kumiti gui’na para u na’siguru na’todu i famagu’on CHamoru gi tano’, u ma eyak put i rinikon i på’a yan i estorian i manmófo’na taotao guini gi i isla-ta, i tanó i Mañamoru.